ປະທານາທິບໍດີ ສ ເຊັກ ຕີລາຄາສູງການພົວພັນມິດຕະພາບທີ່ເປັນມູນເຊື້ອ ກັບ ຫວຽດນາມ
ຕາມຂ່າວສານຊິນຮວາ ລາຍງານວັນທີ 5 ມີນາ ນີ້ວ່າ: ທ່ານ ປີເຕີ ປາເວວ ປະທານາທິບໍດີ ສ ເຊັກ ເຊື່ອໝັ້ນວ່າ: ທ່ານ ເຢືອງ ຮວ່າຍ
ນາມ ເອກອັກຄະລາດຖະທູດ ຫວຽດນາມ ຈະມີການປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້, ນຳການພົວພັນ ຫວຽດນາມ-ສ ເຊັກ ບັນ
ລຸບາດກ້າວພັດທະນາໃໝ່, ເລິກເຊິ່ງ, ແທດຈິງ ແລະ ມີປະສິດທິຜົນກວ່າເກົ່າ, ທ່ານຢັ້ງຢືນວ່າ: ສ ເຊັກ ຍາມໃດກໍຖືເປັນສຳຄັນ ແລະ ຕີລາ
ຄາສູງ ການພົວພັນມິດຕະພາບທິ່ເປັນມູນເຊື້ອ ແລະ ການຮ່ວມມືໃນຫຼາຍດ້ານກັບ ຫວຽດນາມ.
ໃນສະພາບການ ຫວຽດນາມ ແລະ ສ ເຊັກ ພວມມຸ່ງໄປເຖິງການສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດ
(1950-2025), ທ່ານປະທານາທິບໍດີ ສ ເຊັກ ສະແດງຄວາມປາດຖະໜາ ຢາກໃຫ້ສອງຝ່າຍສືບຕໍ່ມານະພະຍາຍາມ ເພີ່ມທະວີການຮ່ວມ
ມື, ເປັນຕົ້ນແມ່ນໃນບັນດາຂົງເຂດຄື: ເສດຖະກິດ-ການຄ້າ-ການລົງທຶນ, ສະເໜີໃຫ້ສອງປະເທດເປີດສາຍການບິນໂດຍກົງ ໂດຍໄວ ເພື່ອ
ຊຸກຍູ້ການພົວພັນດ້ານເສດຖະກິດ-ການຄ້າ, ການທ່ອງທ່ຽວ ແລະ ການພົບປະແລກປ່ຽນປະຊາຊົນ.
ສ່ວນທ່ານເອກອັກຄະລາດຖະທູດ ຫວຽດນາມ ຢັ້ງຢືນວ່າ: ຫວຽດນາມ ຍາມໃດກໍຖື ສ ເຊັກ ແມ່ນຄູ່ຮ່ວມມືສຳຄັນແຖວໜ້າຢູ່ເອີຣົບ,
ສ່ວນຕົວທ່ານເອກອັກຄະລາດຖະທູດ ຈະຕັດສິນໃຈ, ມານະພະຍາຍາມປະຕິບັດບົດບາດເປັນຂົວ ເຊື່ອມຕໍ່ໃຫ້ເປັນຢ່າງດີ, ປະກອບສ່ວນຊຸກ
ຍູ້, ນຳການພົວພັນຮ່ວມມືລະຫວ່າງສອງປະເທດຂຶ້ນສູ່ລະດັບສູງໃໝ່, ຮັບໃຊ້ຜົນປະໂຫຍດຂອງປະຊາຊົນສອງປະເທດ.
ແຫຼ່ງທີ່ມາ: ໜັງສືພິມກອງທັບ
ວັນທີ 12/03/2024